Dhoop ki lakeer pe jume hue se kuch khwaab
.......andhere ko pasand nahi aaye
Raat ki dahleez pe sooraj ke ugne ke aasar
........andhere ko pasand nahi aaye
Panchiyon ke badlon ko jeet lene ke armaan
........andhere ko pasand nahi aaye
Ghonsle ke deewaro ko rang lagaane ke aas
........andhere ko pasand nahi aaye
Tap-tap tapkati baarish ki boondo ka sachcha sa sangeet
Door se aati havaon mei mitti ka saundha swaroop
.......andhere ko pasand nahi aaye
Akele raaste pe chalne ka kiya tha jo pran
Ujaale se milaane ka diya tha jisne vachan
Woh Raasta aur uska Jeevan
.......andhere ko pasand nahi aaye
Rahte hue iss andhere mein hi
kyu naa hum holi manaye
Aao andhera jaalaye
Aao andhera jaalaye !
Naa pade fir koi khwaab kaala
Aur raat ko bhi de sooraj ujiyaara
Tinka tinka fir ghosle ka rangeen ho
Aur goonjta boondo ka sangeet ho
.......Aao andhera jaalaye
.......Aao andhera jaalaye!
The inspiration for this poem was a "thick bundle of sunrays" peeping through the half open door and coming into my room...
Written for Vijay
